USC Facultad de Ciencias da Educación Santiago

A saída á Facultade de Ciencias da Educación de Santiago foi, ao noso entender, moi interesante. Foi a primeira na que participamos varios profesores e mestres do Centro. Como ponente temos que dicir que é unha forma máis doada de transmitir as nosas experiencias. Participamos Teresa, Benito e José Antonio e entre os tres tratamos de non deixar ningún punto sen tocar. Partimos da idea de sempre: dar aos futuros profesores unha idea de que hai algo máis que a educación dos nenos. Comentamos con eles como era o noso dia a dia, que problemas tiñamos, que actividades realizabamos, como era a nosa actitude cos alumnos, as nosas relacións cos funcionarios do centro penitenciario, etc.
Para nós foi unha actividade moi gratificante que esperamos despertara o interese dos alumnos na nosa función docente.
Logo, ao rematar a charla, tratamos de deixar a porta aberta na Facultade de cara a futuras colaboracións.

USC Campus Lugo

Foi a derradeira saída efectuada ata o momento a unha universidade. O día non era bo para elo: xoves, víspera de ponte, hora tardía. Participamos como profesores do Centro Teresa, Benito e José Antonio que nos estamos a converter nun Equipo A para a universidade. Entre o público atopamos a outros compañeiros do EPAPU que asistiron á charla como público.
Ao igual que noutras facultades tentamos de explicarlle aos alumnos como é o noso día a día. Os problemas que van xurdindo e que, de xeito cotiá, temos que afrontar. Ao igual que ocurrira na Facultade de Santiago, a presenza de máis dun membro do noso Claustro favoreceu que se trataran máis temas, que se viran distintos puntos de vista e de que non quedaran puntos por tratar. Ao noso entender os alumnos de Maxisterio pareceron interesados na nosa experiencia e logramos crear un ambente distendido e agradable. O problema foi, coma sempre, o tempo, cando estabamos nun ambiente dado á realización de preguntas houbo que rematar a actividade xa que era necesaria para outra actividade da Facultade.