Valoración José Manuel da charla no IES Antonio Fraguas

Pódese elexir o destiño, eu fíxeno (non o fagades vós).

O pasado martes día 19/11/13 tiven a oportunidade de compartir os meus erros do pasado cun grupo de alumnos do Instituto Antonio Fraguas. Foi a primeira vez que ocupei o lugar do profesor... (sen estar castigado, jejeje). Quedei encantado coa atención que me prestaron. Foi moi enriquecedor para min poder compartir con todos os asistentes as vivencias erróneas do pasado para que cada un deles poida ver as consecuencias que eu estou a pagar por ter decidido vivir unha mala vida baixo os efectos dunha droga, en lugar dunha boa. Eu teño sorte de contalo, outros non...

Compartir un porro cun amigo é o principio dun camiño cun desenlace fatal.

Gracias pola acollida, o trato e a atención prestada e xa para despedirme decirvos que xunto con ANOCA estou á vosa disposición para unha próxima.

Un saúdo do voso amigo

José Manuel (interno de Teixeiro)

Máis preguntas

Se algo quedou no tinteiro, aquí podedes preguntalo.

Valoración IES

Nesta entrada podedes engadir a vosa opinión sobre a actividade.

Valoración internos

Nesta entrada aparecerá a valoración que faga o noso alumnado sobre a súa estancia no voso centro.

Valoración profesorado EPAPU

Nesta entrada aparecerá a valoración por parte do profesorado do EPAPU das actividades nas que participemos no voso centro.


Ola a todos
Coa visita do Proxecto ANOCA ao IES Antonio Fraguas damos comezo ao proxecto durante o curso escolar 2013/2014. Coma sempre, a visita resultou moi satisfactoria para nós. A atención por parte de Lola e demais profesores do Instituto foi moi boa. fixéronnos sentir como na casa. A charla da mañá no instituto penso que foi moi dinámica. Unha vez que o noso amigo e alumno José Manuel se liberou dos nervos (hai que pensar que era a primeira vez que acudía a unha das nosas visitas), a charla adquiriu fluidez. As preguntas sucedíanse e conseguiuse un diálogo áxil entre ambas partes. José Manuel aportou a súa experiencia persoal e nós intentamos apoialo en todo.
Pola tarde tivemos a mesa redonda coa Consellería de Servizos Sociais de Santiago e, teño que dicir, que unha vez superados os momentos iniciais de confusión, penso que tamén foi moi enriquecedora. Non queda máis que dar as grazas da nosa parte a todos e desexar poder compartir no futuro outro día con todos vós.

Chus e José Antonio