Máis preguntas...

Se algo quedou no tinteiro, aquí podedes escribilo...

Valoración Viós

Nesta entrada do blog podedes incluir os vosos comentarios sobre as charlas.

Valoración internos

Nesta ocasión o sorprendido penso que fun eu, chámome Xosé Ramón, xa levo varias charlas desde o curso pasado.
Sempre lles dou aos rapaces o punto de vista dun toxicómano, non fun quen de imaxinar outra liña na miña temática. Sempre contei o vivido, tanto nos meus anos de prisión común, como desde que estou nesta Unidade Terapéutica, levo nela dous anos e penso que todo o que aprendo ha ter algunha utilidade na vida.
Aprendín nesta ocasión, que unha persoa con familia, estudos universitarios, estranxeiro e con boas miras de futuro, ademais de poder ingresar en prisión, non consumir drogas e ter certas dificultades co idioma, pode dar unha mensaxe de ánimo importante, así mo ensinou o meu compañeiro. Teño que destacar que, sen coñecernos, tivemos unha complicidade que, con diferentes puntos de vista, reflectíu á perfección, a mensaxe que queríamos transmitir.
Xosé Ramón.

Valoración profesorado

Nun día soleado (aínda que foi en novembro) chegamos Xesús e máis eu cos dous alumnos do E.P.A.P.U de Teixeiro ao I.E.S. de Viós para continuar co proxecto ANOCA que se comezara o ano anterior. Xosé Ramón era veterano pero para Daniel era a súa primeira vez e enfrentarse a un grupo de alumnos e alumnas de E.S.O. non é para nada doado. O recibimento foi estupendo e as charlas foron in crescendo. Os rapaces, tímidos nun principio, foron facendo algunha pregunta e miraban con ollos abertos aos nosos alumnos ao tempo que mantiñan un total respeto. Creo que a experiencia foi boa en tódolos sentidos e que unha vez máis se cumpriron os obxectivos…pero eso o terá que confirmar o alumnado e o profesorado de Viós.