Valoración profesorado EPAPU Teixeiro

O luns 26 de novembro pola maña, visitamos o IES de Pastoriza. Jesús e Benito acompañaron a Modou, Fran e Biser en dúas charlas ANOCA. Coma sempre, tanto o alumnado como o profesorado deste instituto acolléronos agarimosamente e cremos que se beneficiaron das experiencias contadas polos nosos alumnos e ao mesmo tempo,  Modou, Fran e Biser, na primeira experiencia deste tipo para os tres, saíron coa sensación de ter aproveitado ao máximo esta saída. Tomamos esta oportunidade para agradecer aos nosos alumnos o seu esforzo e ao IES de Pastoriza a súa acollida, ao mesmo tempo que vos animamos a participar no noso blog e presentar ideas de colaboración tanto para a segunda parte de ANOCA como para o proxecto europeo foodprint.eu.